الكلمــــــــــات
ساعات أجلس لحالي أقعد فيها أفكر ........ أتذكر أشياء كثيرة كنت فيها معاك مقصر
أتندم على كل لحظة ذرفتي فيها عشاني الدمعه ........ علقتي فيا آمالك كنت تقيدي في دربي الشمعة
ياعمري أبغاك تكون أحسن واحد في الكون ........ هذا كلامك لي ولجل عيونك أحاول إني اكون
حبيبتي إسمعيني حطي عينك في عيني ........ أنا عند حسن ظنك مع الأيام بتشوفيني
الأنسان الي تمنيتي على كثر اغلاطه تحملتي ........ صدقيني ياالعزيزه انه يحبك زي منتي تحبي
امانه ماابغى اشوفك زعلانه مني في يوم ........ ماابغى اشوف قلبك مهموم مني
لأنك باالنسبه لي انتي الحب الحقيقي ........ مااتوقع من غيرك اقدر اكمل طريقي
كل همك في الدنيا انك تشوفيني في القمه ........ ان شاء الله يومي قبل يومك يمه
-------------------------------------------------
حبيتك وسكنتي في داخل قلبي يايمه ......... عمري ماانسى حبك وعطفك يايمه
الله لايحرمني منك ياشمعة حياتي
-----------------------------------------
اصحى نص الليل ارفع راسي من الوساده ........ اسمع صوت خفيف في البيت كما هي العاده
اقرب من الصوت اروح افتح الباب ....... اشوف أمي بيدها قرآن وتصلي على السجاده
حسيت بسعاده اسمعها تدعيلي ولأخواني ........ صدق اني اناني
انا نايم طوال الليل وهي سهرانه عشانا ........ من ورانا تدعيلنا وتتمنى أماني
ارفعي رأسك فوق يمه تراكي خلفتي رجال ....... سندك في هذي الدنيا وفي كل الأحوال
لو حظك يوم مال اوصبرك علينا طال ....... راح نعوضك كل لحظه لين نندفن تحت الرمال
وفوق هذا مقصرين أكيد مقصرين ........ مانقدر نرد جمايلك يمه طول هذي السنين
كل همك في الدنيا انك تشوفيني في القمه....... انشاء الله يومي قبل يومك يمه
--------------------------------------------
حبيتك وسكنتي في داخل قلبي يايمه ......... عمري ماانسى حبك وعطفك يايمه
الله لايحرمني منك ياشمعة حياتي
--------------------------------------------
من عمري سنه ونص وانتي قايمه بدور الأب والأم ........ واشوفك يمه تعاني من هم لي هم
كم صبرتي يمه عشانا ...... كم شقيتي يمه في الدنيا هذي عشان تزيد افراحنا
لكن كل شي مردود ...... شوفيني كبرت قدامك
بفرشلك الدنيا ورود ...... وانسيك كل آلامك
بس صدقيني يمه لو اسوي واسوي ....... علي رد جمايلك مافي شي يوفي
مكانك عندي عالي وقدرك عندي غالي ......... عشانك انا احاول احقق آمالك وآمالي
مهما كبرت في عمري يمه قدامك أنا ابقى صغير ......... صغير في السن لعيونك لكن كبير بأفعالي
أمي العزيزه ........ حبك هذا لي مو طبع انا أدري انو غريزه
كل همك في الدنيا إنك تشوفيني في القمه ......... إن شالله يومي قبل يومك يمه
-----------------------------------------
حبيتك وسكنتي في داخل قلبي يايمه ......... عمري ماانسى حبك وعطفك يايمه
الله لايحرمني منك ياشمعة حياتي
حبيتك وسكنتي في داخل قلبي يايمه ......... عمري ماانسى حبك وعطفك يايمه
الله لايحرمني منك ياشمعة حياتي
----------------
أنتظر ردوكم الحلوة ...
22.03.08 10:18
