من قصائد الوالد الشيخ زايد رحمه الله

--------------------------------------------------------------------------------

هلا بنور الفجر
******************
هلا بنور الفجر زاح الظلامي
هلا به ألف ترحيبـه وحيـه
هلا به عد مزن في غمامـي
وما هبـت نسيـم المطلعيـه
أقدم لـه تحيـات وسلامـي
جواب يـوم بـادر بالتحيـه
فهيم ويفهم الـمعنى كلامـي
لبيـب العـود لفتاتـه ذكيـه
مهاه إيتم إنسـي وانسجامـي
بدونه حالتـي حالـه شقيـه
وحبي له تسبب في غرامـي
أنا راضي ونفسي له هديـه
تملكني وملكنـي بالزمامـي
و انا سلمت له بنفس رضيـه
فلا والله لي مثلـي يلامـي
و فعل الخير مايجزى بسيـه
رعاك الله يا ظبي العدامـي
أمير والغواني لـك رعيـه
جدير بكل حبي واحترامـي
و يكفيني متى ترضى عليـه

نسنس شرتا الفجر
******************
نسنس شرتا الفجر
ويا ذعذاعه عبير
فل وعنبر عبـر
عطر كل الحضير
يا نور و يا قمـر
يا شمس مستنيـر
ودك خذني جبـر
قلبي عندك أسيـر
لك يا دل منحـدر
يثل ضافي مثيـر
مالي دونك صبر
من عنده بستجير

يا حي فضل الله
******************
مرحبا يا حي فضـل الله
حي من تزهي به اوطاني
الغضي لي له قـدر والله
إحتـرام و يـاه وشانـي
لي ينير الحوش والفلـه
والحشا منهـوب يفلانـي
لي بقلبـي بانـي حلـه
ما يخلفـه واحـد ثانـي
يا شبيه الموز فـي حلـه
تايـه والعـود رويانـي
والهدب لمسويـن ظلـه
فوق طرف العين له زاني
والنهد ثوبيـه قـد شلـه
مثـل شوبينـن برمانـي
والمعنـق زاهـي ابدلـه
والخدود بروق فمزانـي

صوتك الموسيق
******************
صوتك الموسيق بالهاتف لفانـي
او صويت الراعبي في الموسميه
ياثليل العين لي صوتـك سبانـي
ياعويد الموز فـي بكـس غنيـه
يا خفيف الروح يا سيد الغوانـي
بين كـل الخـود فايـز بالمزيـه
االسجايا وخاطر لـك مرحبانـي
والحلا في الطبع والنفس الزطيه
طيفك الشفاف في نومي ظوانـي
ما يفارقنـي صبـاح ولا مسيـه
كامل الاوصاف في فكري وذهاني
انتظر شوفك كما عيـد الضحيـه
وان سالت اليوم يا مانع اش ياني
اني المشتاق ال حلـو السجيـه
بي فارق الخل لي حبـه كوانـي
قبل لا اشوفه فـي حلـه وزيـه
لي سكن في اليوف ومشيد مباني
وحاطها باسوار في قلبـي عليـه
ذاك يللي بي وسجلتـه وعانـي
للحبيـب امسلـم وادي التحـيـه

العيد عيدك
******************
العيد عيدك يـا مهـا الخـود
والافنـا مـا جانـي العـيـد
يا ما كثر اللي هوب مقصـود
هشل ولا تهـزف لـه الليـد
قلبـي امعبـا منـك بنضـود
أو لا له مجال إيضيف ويزيـد
إلا انت لي ساكن او موجـود
لك منزل فـي باطـن اسعيـد
يالسولعي يـا تـرف لخـدود
يـا سيـد الخفـرات والغيـد
مهما بعدتنـي عنـك لحـدود
واتوعرت مـن دونـك البيـد
شوقي إلشوفك غيـر محـدود
لو إنـت نائـي عنـي بعيـد
ياني خيالـك والمـلا رقـود
إيزورنـي وانـا بـه اسعيـد
ونشيت ابغي الهاتف ايرود كود
أو عسـاه إلرقمـك ايصـيـد
ناديـت وتريـيـت مــردود
وياني الجواب اللي لـه آريـد

دنيــا
******************
دنيا محلا وطرهـا
فيها زهت الانـوار
كثر الخير وشجرها
و توفرت الاثمـار
يا ها السعد وغمرها
من والـي الاقـدار
عم البـر وبحرهـا
و فاضت بها الانهار
تتوافـد القطـرهـا
عالم مـن الـزوار
تتفسح في شجرهـا
وورودها والازهار
فيها المها مكثرهـا
وريومها والامهـار
يا سعد اللي نظرها
وتحف بها الاسرار
نحمد لذي صورهـا
وو هب لها الاخيار
و عظمها في قدرها
بـيـاه واعتـبـار

إبسم
******************
إبسـم تبـسـم حيـاتـك
يا قايد الخفـرات والعيـن
عطاك ربي لـك غناتـك
واصبحت سيد في المزايين
هنيت يا سيـدي بصفاتـك
وانا غني بك " م " الملايين
كل يوم بي تكبر غلاتـك
والقاك دوم بعينـي تزيـن
من بالحسن سيدي شراتك
مثلك فلا قد شافت العيـن
الشمس تخجل من بهاتـك
والبدر لك يا نواره يديـن
مثل العسل منطق شفاتـك
ذرب .. وموزون بموازين
والطيب من أصلك وذاتك
واضح ولا يحتاج تبييـن


عويد البان
******************
يا عويد البـان يـا خلـي
يا فريد الحسـن باخوانـه
روف بي يا كامـل الدلـي
لا تعـذب نفـس ولهانـه
غيركم يا زين انا من لـي
منتقنـك "م " الغـزر دانـه
معك عفت الخـود بالكلـي
ماليه فـي غيركـم خانـه
انت شمسي و انت لي ظلي
و انت لي تسحرني اعيانه
عين خشف الريـم لمفلـي
و الخدود ورود باغصانـه
والخشم كالسيـف منسلـي
والشفايـا حمـر رويانـه
أتلـع والجـيـد متعـلـي
والشعر طايح على امتانـه
يا بديع الحسـن لا تخلـي
في هواك الـروح شفقانـه
شوفني "م" الحـب معتلـي
عاكف "ع" لشعر واوزانـه

تحياتي
ولد المديييييييييييييييييييييييينة